Min bieau père

 

 

Min bieau père

 

Quand i'vient all'masion, min bieau père i'in profite

Pour m'donner des consels, des recettes, et bien vite

In parle éd'bricolach', éd'pêque, et pis gardin

In l'intindo menti, y'a qu'li qui ferot bien

I'est persuadé qu'ch'est d'puis l'temps qu'i'est pinsionné

Qu'ches molettes et l'fosse i'ont arrêté d'tourner

Quind je l'ramène à's'maison avec ém'n'auto

J'eum'fais ingueuler parce qu'je roule comme un sot

Mais l'jeudi quand il amène eum'belle mère au marché

I téléphone à'l'météo pour s'in aller

 

Quand il pleut pas, y'a rien qui pousse dins sin gardin

Quand il pleut, cha déplaque (?) sans quoi il irot bien

Si ch'vint est d'est, i peut pas s'mer, ch'est pas l'momint

Si ch'vint est d'ouest, ch'est trop humide, i'est pris d'ses reins

I'm traite d'innouche ainsi j'arpique sans tenir compte

Si l'Lune est pleine, si elle deschind ou si elle monte

Mais quand i vot min gardin tous l'z'ans à'l'ducasse

Suis pas géner d'y arriver m'terre alle est grasse

Et quand mes haricots, is sont plus bieaux qu'les siens

Ch'est grâce à li, ch'plant i v'not sur'mint d'sin gardin

 

Min bieau père, min bieau père

Ch'est un maîte gardinier et fin pêqueux

Min bieau père, min bieau père

D'après lui cha s'rot eul'roi des bricoleux

Min bieau père, min bieau père

A'l'intinde parler, y'a qu'li qui sait tout faire

Min bieau père, min bieau père

Si cha continue i's'ra pire qu'eum'belle mère

 

Quind in va à'l'pêque à deux, euj'fais bien attention

Faut pas que j'chos in retard pour eul'prindre à's'maison

Quand à quatre tappante j'arrive sur eulch'l'boul'vard

I'est déjà là assis sur eul'bord d'euch'trottoir

Au bout deul'journée d'pêque, si i'a plus de pichons qu'mi

Faut intinde éss''vanter, i sait miux pêquer qu'mi

Mais l'jour qu'i n'in prinds pas, in l'intinds pus parler

I oublie même éd'dire que j'n'ai plein min panier

Eul'lend'main au café ses bras sont pas'sez long

Pour montrer éch'brochet qu'il a arssaqué du fond

 

Min bieau père, min bieau père

Ch'est un maîte gardinier et fin pêqueux

Min bieau père, min bieau père

D'après lui cha s'rot eul'roi des bricoleux

Min bieau père, min bieau père

A'l'intinde parler, y'a qu'li qui sait tout faire

Min bieau père, min bieau père

Si cha continue i's'ra pire qu'eum'belle mère

 


 

 

la-chti-nathalie mémé rené
Créer des graphiques animés personnalisés

Créer un site gratuit avec e-monsite - Signaler un contenu illicite sur ce site

×